Azərbaycan, Bakı, 30 oktyabr / Trend , muxbir K.Zərbalıyeva/ Azərbaycanın paytaxtında Pakistan vətəndaşı soyulub.
Daxili İşlər Nazirliyinin mətbuat xidmətindən cümə günü Trend -a verilən məlumata görə, ötən gün günorta saatlarında Əzizbəyov rayonunun Pirallahı qəsəbəsində, naməlum şəxs Pakistan vətəndaşı Naemə Muhammada qarşı zor tətbiq edərək pul verməsini tələb edib və onun saatını əlindən alıb.
Əzizbəyov Rayon Polis İdarəsinin 3-cü polis bölməsinin əməkdaşlarının keçirdikləri əməliyyat-axtarış tədbirləri nəticəsində hadisəni törətmiş Pirallahı qəsəbə sakini Elçin Mansumov tutulub, ondan üzərindən 0,288 qram heroin götürülüb.
Faktla bağlı cinayət işi başlanıb.
Məqalə müəllifi ilə əlaqə ünvanı: [email protected]