Azərbaycan, Bakı, 5 sentyabr /Trend/
İmişli rayonunda ağır yol qəzası olub.
Trend-in Daxili İşlər Nazirliyinin internet səhifəsinə istinadən verdiyi məlumata görə, İmişli rayonunun Qaragüvəndli kəndi ərazisində, kənd sakini Abdulla Mirzəyevin idarə etdiyi "QAZ-53" markalı və Canpolad Yarəhmətovun idarə etdiyi "VAZ-21012" markalı avtomaşınlar toqquşub.
Nəticədə Yarəhmətovun sərnişini Hafiz Nağı oğlu xəstəxanaya aparılarkən yolda ölüb, xəsarət almış Yarəhmətov və Mirzəyevin sərnişinləri - Rahilə Şirinova, Cəmilə Əliyeva, Fərqanə Bağırova və Aytən Babayeva xəstəxanaya yerləşdiriliblər, vəziyyətləri orta-ağırdır.
Faktla bağlı cinayət işi başlanıb.