Azərbaycan, Bakı, 28 iyul /Trend/
Azərbaycan dövlət sərhədini pozan Türkiyə vətəndaşı saxlanılıb.
Dövlət Sərhəd Xidmətinin Mətbuat Mərkəzindən şənbə günü Trend-ə verilən məlumata görə, Balakən rayonunun Qaysa kəndinin yaxınlığındakı sərhəd zastavasının xidməti ərazisində Gürcüstan istiqamətində dövlət sərhədini pozarkən Türkiyə vətəndaşı İstanbul şəhər sakini 10.05.1975-ci il təvəllüdlü Kutlu Alırza Hanif oğlu və Zaqatala şəhər sakini 07.11.1985-ci il təvəllüdlü Mürsəlov Rəsul Maarif oğlu saxlanılıblar.
Hazırda faktla bağlı Dövlət Sərhəd Xidməti tərəfindən əməliyyat-istintaq tədbirləri davam etdirilir.