Azərbaycan, Bakı, 1 avqust / Trend müxbir K.Zərbalıyeva/
Qaxda dağda 50 yaşlı kişinin meyitinin həmin ərazidən çıxarılmasına helikopter cəlb edilib.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Qax rayonu, İlisu kəndi yaxınlığında 1962-ci il təvəllüdlü Şahin Mollaməhəmməd oğlu Mirzəyev səhhətinin kəskin pisləşməsi səbəbindən ölüb.
Hadisə yeri çətin keçilən dağlıq ərazidə olduğundan Mirzəyevin cəsədini götürmək mümkün olmayıb. Müraciət daxil olan kimi nazirliyin müvafiq xilasetmə qüvvələri, o cümlədən aviasiya dəstəsinin 1 ədəd helikopteri hadisə rayonuna cəlb olunub.
Xilasedicilər mürəkkəb dağlıq ərazidə olan Mirzəyevin cəsədini müvafiq qaydada götürüb və aidiyyəti üzrə təhvil veriblər.