Gürcüstan, Tbilisi, 30 noyabr /Trend, müxbir N.Kirsxaliya/
Gürcüstan polisi narkotik maddələr saxladığına görə Azərbaycan vətəndaşını saxlayıb.
Gürcüstan DİN-dən Trend-ə verilən məlumata görə, Sumqayıt sakini Q.Sultan Tbilisinin İsani rayonundakı ticarət mərkəzinin ərazisində saxlanılıb.
Axtarış zamanı ondan 5 qram marixuana götürülüb.
Faktla bağlı cinayət işi açılıb.
Q.Sultanı Gürcüstan CM-nin 260-cı maddəsi üzrə 10 il müddətinə həbs gözləyir.