Azərbaycan, Bakı, 5 aprel /Trend, müxbir İ.İzzət/
Ağdaşda baş vermiş zəncirvari qəza zamanı 3 nəfər ölüb. Onlardan biri azyaşlıdır.
Daxili İşlər Nazirliyindən (DİN) Trend-ə verilən məlumata görə, aprelin 4-də saat 16 radələrində Ağdaş rayonu Əmrahlı kəndinin ərazisində Qazax rayon sakini Elvin Lalayevin idarə etdiyi "VAZ-21074", Hacıqabul rayon sakini Mehdi Əliyevin idarə etdiyi "KamAZ" və Tovuz rayon sakini Bəhram Əhmədovun idarə etdiyi "KamAZ" markalı avtomobillər toqquşub.
Nəticədə E.Lalayev və sərnişinləri - azyaşlı qızı Raya, Qazax rayon sakini Akifə Qaraxanova hadisə yerində ölüb, B.Əhmədov xəstəxanaya yerləşdirilib.
Faktla bağlı Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma; əməllər ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi açılıb, araşdırma aparılır.