Bakı. İlhamə İsabalayeva - Trend:
Bakıda köhnə avtomobil bazarının yaxınlığında 2 minik avtomobilinin toqquşması nəticəsində 3 nəfər xəsarət alıb.
Bu barədə Trend-ə Səhiyyə Nazirliyinin Mətbuat xidmətindən məlumat verilib.
Nazirlikdən bildirilib ki, 32 yaşlı şəxs qapalı kəllə-beyin travması ilə 3 saylı Kliniki Şəhər Xəstəxanasına yerləşdirilib. Digər yaralılara - 46 və 49 yaşlı 2 nəfərə isə hadisə yerində tibbi yardım göstərilib.