Azərbaycan, Bərdə, 28 mart / Trend müxbir Ş.Cəliloğlu/
Erməni silahlı qüvvələrinin martın 28 keçən gecə atəşkəsi pozması nəticəsində, Abşeron Hərbi Komissarlığından hərbi xidmətə çağırılan, Azərbaycan ordusunun əsgəri Vüqar Salahlı şəhid olmuşdur. Bu barədə məlumatı Trend -un müxbiri verib.
Azərbaycan Müdafiyə Nazirliyi bu məlumatı nə təsdiq, nə də təkzib edib.
Iki Cənubi Qafqaz olkəsi arasında munaqişə 1988 - ci ildə Ermənistanın Azərbaycana qarşı ərazi iddiası irəli surməsi zəminində yaranıb.
1991-ci ilin dekabrında, Şuşa və Xocalı istisna olmaqla, Dağlıq Qarabağ Azərbaycanın nəzarətindən cıxıb. 1992-1993 - cu illərdə Şuşa, Xocalı və Dağlıq Qarabağa bitişik yeddi rayon isğal olunub.
1994 - cu ilin mayında tərəflər atəşkəs rejiminə dair razılaşma əldə ediblər və o vaxtdan bəri, ATƏT-in Minsk Qrupunun himayəsi altında, Rusiya, Fransa və ABŞ - ın həmsədrliyi ilə, hələ ki nəticəsiz, sülh danışıqları aparılır.