Azərbaycan, Bakı, 12 mart /Trend, müxbir Anaxanım Hidayətova/
Avropa İttifaqı (Aİ) Dağlıq Qarabağda qondarma "parlament seçkiləri"ni tanımır.
Bu barədə Trend-ə Aİ-nin mətbuat xidmətindən Azərbaycanın işğal edilmiş ərazilərində qarşıdakı saxta "seçkilər"i şərh edərkən deyiblər.
Mətbuat xidmətindən bildiriblər: "Dağlıq Qarabağda "parlament seçkiləri"nin keçirilməsindən xəbərimiz var və bu istiqamətdə hadisələrin gedişatını izləyirik. Avropa İttifaqı, eyni zamanda, Cənubi Osetiyada keçirilmiş seçkiləri tanımır. Cənubi Osetiya ilə bağlı bəyan edirik ki, Aİ Gürcüstanın ərazi bütövlüyünü və suverenliyini tanıyır".