Bakı. Trend:
"Ərköyün" Ermənistanın güzəştsiz hərəkətləri Dağlıq Qarabağ münaqişəsini bir növ qanqrenaya çevirib. Bu problemi həll etməyin yeganə yolu 30 ilə yaxındır davam edən erməni işğalına son qoymaqdır.
Trend-in məlumatına görə, bunu Türkiyə prezidenti Rəcəb Tayyib Ərdoğan video konfrans vasitəsi ilə Türkiyə-Afrika iş forumunun iştirakçılarına müraciət edərək bildirib.
Türkiyə prezidenti Dağlıq Qarabağın 30 ildir Ermənistan tərəfindən işğal edilmiş tarixi Azərbaycan torpağı olduğunu xatırladıb:
"Türkiyə Azərbaycanın torpaqlarını azad etmək uğrunda apardığı haqlı mübarizəni tam dəstəkləyir".