Azərbaycan, Bakı, 28 yanvar/ , müxbir E.Hüseynov/ Avropa İttifaqının Ali komissarı İranın nüvə proqramının diplomatik yolla həlli üçün təsirli səylər göstərmək niyyətindədir. "Mən bu məsələnin dinc həllinə gəlmək üçün hər şeyi edəcəyəm" - Aİ-nin xarici siyasət və təhlükəsizlik siyasəti üzrə Ali komissarı Havyer Solana Trend ə bildirib.
Son iki il ərzində BMT Təhlükəsizlik Şurası uranın zənginləşdirilməsinə moratorium tətbiq edilməsinə etiraz etdiyi üçün Tehranın üzərinə sanksiyalar qoyan iki qətnamə (N1737 və N1747) (N1737 və N1747) qəbul edib. Tehranın ünvanına növbəti beynəlxalq sanksiyaların üçüncü raundunun əsas təşəbbüsçüsü ABŞ-dır. Ötən ilin sonunda Milli Kəşfiyat İdarəsinin Tehranın hələ 2003-cü ildə nüvə silahı yaradılması üzərində işlərini dayandırması haqqında məlumatlar dərc etməsinə baxmayaraq, Vaşinqton İranın nüvə silahı yaradacağından ehtiyat edir.
Solananın sözlərinə görə, beynəlxalq ictimaiyyət İranın nüvə proqramına ikili yanaşmanı davam etdirir. "Bir tərəfdən BMT Təhlükəsizlik Şurasının qətnamələrinin yerinə yetirilmədiyi üçün tədricən İrana təzyiqlər artır. Digər tərəfdən isə beynəlxalq ictimaiyyət İranla diplomatik səyləri genişləndirməyə hazıdır" - bazar ertəsi Solana elektron poçt ilə müsahibədə bildirib.
Komissarın sözlərinə görə, beynəlxalq ictimaiyyətin İranın nüvə proqramının bilavasitə mülki xarakterli olmasına dair hələ də ciddi şübhələri var. "Biz İranın uranın zənginləşdirilməsi və emalı, ağır suda işləyən reaktor layihələri üzrə öz fəaliyyətini dayandırmaq arzusunun olmamasına təəssüf edirik. Buna görə İran MAQATE-nin tələb etdiyi bütün addımları atmalı və MAQATE ilə razılaşdırılan iş planının inkişafında real və tez nəticələri təqdim etməlidir" - Solana əlavə edib.
Komissar yanvarın 22-də Berlində BMT Təhlükəsizlik Şurasının beş daimi üzvü və Almaniya ilə görüşdüyünü xatırladıb. BMT Təhlükəsizlik Şurasına təqdim edilmək üçün İrana qarşı sanksiyaların genişləndirilməsi haqqında Qətnamə layihəsi hazırlanıb. Solana Aİ-nin Təhlükəsizlik Şurasının qərarını öyrənmək üçün müraciət edəcəyini bildirib.
İranın nüvə məsələsinin nizamlanması üzrə BMT Təhlükəsizlik Şurasının (TŞ) beş daimi üzvü (Rusiya, ABŞ, ÇXR, Böyük Britaniya və Fransa) və Almaniyadan ibarət olan dünya dövlətləri "altılığı" yanvarın 22-də BMT TŞ-nin İran üzrə bu ölkəyə qarşı sanksiyaların "ardıcıl sərtləşdirilməsini" təklif edən yeni qətnamə layihəsini razılaşdırıb.
İran üzrə yeni qətnamə layihəsinə bir sıra qadağalar, o cümlədən İranın nüvə proqramında iştirak edən şəxslərin xarici səfərlərinə məhdudiyyətlər daxildir. Həmçinin, sənədə əsasən, bəzi İran xadimləri və şirkətlərinin bank hesabları və aktivlərini dondurmaq, dövlətlərə isə İranda işləyən banklara diqqəti artırmaq tövsiyə olunur.