Azərbaycan, Bakı, 21 fevral / Trend , müxbir Q.Cəbiyev/ Azərbaycanın müxalif Böyük Quruluş Partiyasının (BQP) sədri rəhbərlik etdiyi qurumun qərargah problemini Parlamentdə qaldıracaq. Bu barədə cümə axşamı Trend a partiyanın sədri, deputat Fazil Qəzənfəroğlu məlumat verib.
BQP qərargah üçün yerin ayrılması üçün bir neçə dəfə Dövlət Əmlakının İdarə Edilməsi üzrə Dövlət Komitəsinə müraciət edib. Komitə partiyanı qane edəcək bina ayırmayıb.
Əvvəlki müraciətlərə cavab olaraq BQP-yə yer verilib. Sadəcə, həmin yer 8-ci mikrorayon ərazisində yerləşir və tamamilə təmirsizdir. İşığı belə yoxdur. Bundan başqa, komitə bildirib ki, həmin binanın müdiriyyəti ilə razılaşdırıldıqdan sonra binaya köçmək olar.
Qəzənfəroğlu hesab edir ki, Dövlət Komitəsi özünün balansında olan yerlərdən qərargah üçün yer ayırmalıdır. Onun sözlərinə görə, komitənin qanunsuz əməlindən məhkəməyə müraciət etmək perspektivsiz qərar olar. Ona görə də bu məsələni parlamentdə müzakirəyə çıxarılacaq.
Müxalifətyönlü BQP 2004-cü ildə yaradılıb, 2005-ci ildə dövlət qeydiyyatına alınıb. Partiyanın sədri Qəzənfəroğlu Milli Məclisin deputatıdır. BQP oktyabrda keçiriləcək prezident seçkilərində namizədi ilə iştirak edəcəyini açıqlayıb.
