Fransa, Strasburq, 07 may / Trend , müxbir A.Məhərrəmli/ Strasburqda yerləşən Avropa Parlamentləri Assosiasiyasının binasında bu gün Azərbaycanın eks-prezidenti Heydər Əliyevin anadan olmasının 85 illik yubileyinə həsr olunmuş tədbir keçiriləcək. Bu barədə " Trend " a Azərbaycanın Avropa Şurası yanında Daimi Nümayəndəliyindən məlumat verilib.
Avropa Şurası (AŞ) Nazirlər Komitəsinin mayın 7-də keçirilən 118-ci sessiyasında iştirak etmək üçün Strasburqda səfərdə olan Azərbaycanın xarici işlər naziri Elmar Məmmədyarov tədbirdə iştirak edəcək. Nazir "Azərbaycanın Avropa Şurası ilə əlaqələrinin qurulmasında Heydər Əliyevin rolu" mövzusunda nitq söyləyəcək.
Tədbirə AŞ yanında Daimi Nçmayəndəliklər, AŞ rəhbərliyi, xarici qonaqlar, Azərbaycan diasporunun nümayəndələri və Strasburqda təhsil alan Azərbaycanlı tələbələr dəvət olunublar.
