Azərbaycan, Bаkı, 12 may / TrendNews, müxbir A.Hüseynbala /
Azərbaycan hakimiyyətinin siyasi kursunu dəstəkləyən Ali Məhkəmənin sabiq sədrinin rəhbərlik etdiyi partiyanın Siyasi Şurası bələdiyyə seçkilərində təkbaşına iştirak etmək haqda qərar qəbul edib.
"Bu qərar partiyanın Baş Məclisində müzakirə olunacaq və bundan sonra yerli təşkilatlara bələdiyyə üzvlüyünə namizədlərin müəyyənləşdirilməsi tapşırığı veriləcək", - çərşənbə axşamı Trend -a Vəhdət Partiyasının sədri Tahir Kərimli bildirib.
Trend -un arayışı: Azərbaycanda bələdiyyə seçkisi 2009-cu ilin sonunda, parlament seçkisi isə 2010-cu ilin payızında keçirilməlidir. Bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Kərimlinin sözlərinə görə, onlar bələdiyyə seçkilərində digər siyasi partiyaların yaradacağı hər hansı bloka qoşulmaq niyyətində deyillər. "Biz heç bir partiyaya seçkilərdə əməkdaşlıqla bağlı müraciət də etməyəcəyik. Lakin hansısa pariyadan belə təklif olunarsa, müzakirə etməyə hazırıq", - Vəhdət sədri əlavə edib.
O bildirib ki, partiya bələdiyyə seçkilərində təkbaşına iştirak etməklə öz gücünü sınamaq niyyətindədir. "Biz seçki nəticəsində yerli şöbələrimizin necə təşkilatlandığının da şahidi olacağıq. Düşünürəm ki, bu seçki bizim üçün həm də gələn il keçiriləcək parlament seçkilərinə ən yaxşı hazırlıq olacaq", - Kərimli vurğulayıb.
Аzərbаycаn Аli Məhkəməsinin kеçmiş sədri, sаbiq millət vəkili Кərimlinin rəhbərlik еtdiyi Vəhdət Pаrtiyаsı 2006-cı ilə qədər müхаlifət mövqеyində оlub. Pаrtiyа hаzırdа iqtidаrın siyаsi kursunu dəstəkləyir.
Məqalə müəllifi ilə əlaqə ünvanı:[email protected]
