Azərbaycan, Bakı, 02 sentyabr / Trend , müxbir C.Babayeva /
Azərbaycan Xalq Sosialist Partiyası (AXSP) bələdiyyə seçkisində iştirak edəcək namizədlərin siyahısını hazırlayır.
"Partiyanın bələdiyyə seçkisində müstəqil formada iştirak etmək barədə qərarı var. Hazırda bələdiyyələr üzrə irəli sürüləcək namizədlər müəyyənləşdirilir, siyahı tam hazır deyil", - çərşənbə günü Trend -a AXSP sədrinin ictimai əlaqələr üzrə müavini Rüstəm Şahsuvarov bildirib.
Trend -un arayışı: Azərbaycanda bələdiyyə seçkisinin bu ilin dekabrın ortalarında keçirilməsi gözlənilir.
Şahsuvarovun sözlərinə görə, partiyanın rayon təşkilatları bələdiyyə seçkisinə hazırlıqlara başlayıblar. "Yerli təşkilatlarda seçkiyə hazırlıq işləri partiya rəhbərliyinin nəzarəti altındadır", - AXSP rəsmisi deyib.
Onun sözlərinə görə, partiyanın 20-dən çox rayon təşkilatı var və hazırda altı rayonda yerli təşkilatların formalaşdırılması prosesi gedir.
Trend -un arayışı: Keçən ilin oktyabrında təsis edilmiş Azərbaycan Xalq Sosialist Partiyası hələ dövlət qeydiyyatına alınmayıb.
Məqalə müəllifi ilə əlaqə ünvanı: [email protected]