Azərbaycan, Bakı, 16 sentyabr / Trend , müxbir Y.Ostapenko /
Avropa İttifaqı ilə assosiasiya barədə müqavilənin nə qədər tez imzalanacağı Cənubi Qafqaz ölkələrinin hər birindən çox asılı olacaq. Lakin bu il ərzində prosesin inkişafını gözləməyə dəyməz, xarici əlaqələr üzrə Avropa komissarı Benita Ferrero-Valdnerin mətbuat katibi Kristian Homann deyib.
"Ölkələrdən hər biri ilə müqavilə fərdidir və bir-birindən asılı deyil. Bu ölkələrdən hər biri ilə danışıqlar müxtəlif sürətlə keçəcək və hər şey hər ölkədəki vəziyyətdən asılı olacaq", - Homann Trend -a çərşənbə günü telefonla Brüsseldən deyib.
Aİ ölkələrinin xarici işlər nazirləri çərşənbə axşamı Avropa Komissiyasına Aİ ilə assosiasiya barədə Azərbaycan, Gücüstan və Ermənistanla ikitərəfli müqavilənin bağlanması üçün danışıqlara başlamağa mandat veriblər. Assosiasiya barədə müqavilə Aİ və Cənubi Qafqaz ölkələri arasında münasibətlərdə ikitərəfli fəaliyyət planlarını dəyişəcək yeni praktik vasitədir.
Homannın sözlərinə görə, danışıqlar müxtəlif sürətlə irəliləyə bilər və müvafiq olaraq müxtəlif vaxtlarda başa çata bilər. Bu, ölkənin islahat keçirəcəyindən və ya əvvəlki kimi hazırlıq mərhələsində olacağından asılı olacaq.
Danışıqlar bu il başlamayacaq, Homann deyib. Assosiasiya barədə müqavilənin bağlanması üsulu belədir ki, Avropa Komissiyası müqavilə layihəsini işləyəndən sonra o, Aİ üzv dözlətlərinin müzakirəsinə veriləcək. Yalnız Aİ üzvləri bu mandatla razılaşdıqdan və onu qəbul etdikdən (onların dəyişiklik etmək hüquqları var) sonra Avropa Komissiyası Cənubi Qafqazın hər üç ölkəsi ilə danışıqlar barədə müqaviləni hazırlaya bilər.
Artıq on ildir ki, Cənubi Qafqaz ölkələri Avropa İttifaqı ilə əməkdaşlıq barədə müqavilə bağlayırlar.
""Şərq tərəfdaşlığı" təşəbbüsünə iştirak edən ölkələrin Aİ ilə əlaqələri dərinləşdirmək və genişləndirmək təklifi daxildir", - Homann deyib. Buna görə Aİ siyasi dialoqdan başlayaraq bütün istiqamətlər üzrə işləyir, həmçinin elm, mədəniyyət, ticarət, iqtsadiyyat, maliyyə sektoru, ədliyyə və digər sahələri də əhatə edir.
Polşa və İsveçin təşəbbüsü ilə Avropa İttifaqı tərəfindən hazırlanmış və rəsmi olaraq Aİ-nin mayda keçirilmiş Praqa sammitində fəaliyyətə başlayan "Şərq tərəfdaşlığı" proqramına Azərbaycan, Gürcüstan, Belarus, Ukrayna, Ermənistan və Moldova daxildir. "Şərq tərəfdaşlığı" Aİ ilə iqtisadiyyat və siyasət sferalarında daha sıx əməkdaşlığı nəzərdə tutur.
Homannın sözlərinə görə, bu müqavilələr üç ölkədən hər birinin inkişaf səviyyəsinə müvafiq olaraq qəbul edilməlidir. "Azərbaycan, Gürcüstan və Ermənistanda inkişaf səviyyələri eyni dərəcədə deyil. Bu ölkələrdən bəziləri "daha irəli gedib", digərləri "daha çox işləməli olacaq", - o deyib.
Homann nümunə kimi Aİ ilə azad ticarət barədə müqavilənin imzalanması üçün ÜTT-yə üzvlüyün vacibliyini göstərib. "Əgər ölkə hələ ÜTT-nin üzvü deyilsə, prosess uzana bilər", - o deyib.
Azərbaycan 1997-ci ildən ÜTT-də müşahidəçi statusuna malikdir və bu təşkilata daxil olmaqla bağlı fəal danışıqlar aparır.
Məqalə müəllifi ilə əlaqə ünvanı: [email protected]
