Azərbaycan, Bakı, 17 noyabr / Trend , A.Hüseynbala/
Azərbaycanın bir neçə müxalifət partiyasının təmsil olunduğu ittifaq yeni seçki bloku yaradacaq.
"Biz artıq gələn il keçiriləcək parlament seçkilərinə hazırlığa start vermişik", - çərşənbə axşamı Trend -a Demokratiya Uğrunda İttifaqda (DUİ) təmsil olunan Azadlıq Partiyasının sədri Əhməd Oruc bildirib.
Trend -un arayışı: Azərbaycanda parlamnent seçkiləri 2010-cu ilin payızında keçiriləcək. Bundan əvvəlki seçki 2005-ci il noyabrın 6-da keçirilib.
Orucun sözlərinə görə, parlament seçkiləri ilə bağlı artıq Seçki Qərargahı da yaradılıb. "İndi əsas vəzifəmiz bütün dairələr üzrə irəli sürəcəyimiz namizədlərin siyahısını hazırlamaqdır. Biz cəmiyyətdə tanınan ziyalıların ittifaqın yaradacağı blokun vahid namizədlərinin siyahısında təmsil olunmalarına da çalışacağıq", - partiya sədri əlavə edib.
Onun fikrincə, DUİ-nin hər hansı digər partiya ilə birgə seçkilərdə iştirak etmək məsələsi artıq gündəmdə deyil. "Bir sıra partiya hələ də ana müxalifət iddiasındadır. Ona görə də imkanlarından daha çox şey arzulayan həmin partiyalarla birlikdə seçkiyə getməyimiz mümkün deyil", - Oruc vurğulayıb.
Azadlıq Partiyasının sədri deyib ki, ittifaqın parlament seçkilərində blok kimi iştirakı məsələsi də həll olunub. "İlkin müzakirələr zamanı blokun "Azadlıq" adlandırılması təklifi bəyənilib. Biz düşünürük ki, eyni adlı blok olsa da, ötən parlament seçkilərində həmin qurumu yaradanlar bu adı doğrultmayıblar", - Oruc xatırladıb.
Dеmоkrаtiyа Uğrunda İttifаqı 2005-ci il parlamеnt seçkisindən sonra müxalifətçi Klassık Xalq Cəbhəsi, Azadlıq və Milli Demokratiya partiyaları yаrаdıb. 2008-ci il sеntyаbrın əvvəllərində Böyük Azərbаycаn, nоyаbr аyındа isə Хаlq pаrtiyаlаrı DUİ-yə üzv qəbul оlunub. İttifаq bu pаrtiyaların məşvərət və əməkdaşlıq qurumudur. Oktyabr ayında Milli Demokratiya Partiyası DUİ-dən çıxarılıb və Milli Qurtuluş Partiyasının quruma üzv qəbul olunması haqda qərar verilib.
Məqalə müəllifi ilə əlaqə ünvanı: [email protected]