Türkmənistan, Aşqabad, 14 iyul /Trend, müxbir Q.Həsənov/
Türkmənistanda yaxın vaxtlarda Malayziyanın xarici işlər naziri Anifah bin Amanın hökumət nümayəndə heyətinin müşayiəti ilə səfərini gözləyirlər. Bu barədə rəsmi türkmən mənbəyi məlumat verir.
Səfər çərçivəsində Türkmənistan Prezidenti Qurbanqulu Berdıməhəmmədovla görüş və Xəzərin türkmən sahilində "Avaza" turist kurortuna baş çəkmək nəzərdə tutulub.
Türkmənistan bazarında 1996-cı ildə Türkmənistan hökuməti ilə Xəzərin türkmən sektorunun mənimsənilməsi üzrə saziş imzalayan Malayziyanın milli dövlət şirkəti "Petronas Charigali" təmsil olunub. Müqaviləyə "Diyarbəkir", "Məhtimqulu", "Ovez", "Maşrıkov" və "Qaraqol-dəniz" yataqları daxildir.