Azərbaycan, Bakı, 19 dekabr /Trend, müxbir K.Zərbalıyeva/
Azərbaycanın müdafiə naziri general-polkovnik Səfər Əbiyev Polşa Senatının Hərbi Komitəsinin sədri Boqdan Klixi qəbul edib.
Müdafiə Nazirliyinin mətbuat xidmətindən Trend-ə verilən məlumata görə, görüş zamanı hərbi əməkdaşlıq məsələlərinin perspektivləri, bölgədə hərbi-siyasi vəziyyət və Dağlıq Qarabağ münaqişəsinin sülh yolu ilə həll edilməsinə maneçilik törədən amillər barədə fikir mübadiləsi aparılıb.
Görüşdə Polşanın Azərbaycandakı fövqəladə və səlahiyyətli səfiri Mixal Labenda da iştirak edib.