Azərbaycan, Bakı, 5 aprel /Trend/
BMT Yəmən hakimiyyətini ölkənin cənubundakı problemi həll etməyə çağırıb. Trend-in RBK-ya istinadən verdiyi məlumata görə, bunu BMT-nin baş katibinin xüsusi nümayəndəsi Camal Benomar deyib.
Onun sözlərinə görə, yəmənlilər problemin həllini ölkənin demokratiyaya keçidində görürlər.
O, həmçinin milli dialoqun qurulması üzrə 18 martda keçirilən konfransı da yüksək qiymətləndirib.
"Lakin bir çox problemlər hələ də qalmaqdadır", - Benomar əlavə edib.
Qeyd edək ki, hazırda hakiyyət milli barışığa nail olmağa və seçki keçirməklə konstitusiyanın qəbul edilməsinə çalışır.