Azərbaycan, Bakı, 25 aprel /Trend/
Türkiyə Xarici İşlər Nazirliyi ABŞ Prezidenti Barak Obamanın 1915-ci il hadisələri ilə bağlı bəyanatına münasibət bildirib. Bu barədə Trend Türkiyənin "Sabah" onlayn-qəzetinə istinadən məlumat verir.
"Tarixi həqiqətləri təhrif edən bu açıqlamanı təəssüflə qarşılayırıq", - XİN-in məlumatında deyilir.
Nazirlik Obamanın bəyanatında erməni görüşlərini əks etdirən birtərəfli ifadələrə yer verildiyini qeyd edib.
"Bu cür açıqlamalar Türkiyə-ABŞ əlaqələrinə zərər verir. ABŞ kimi önəmli bir tərəfdaşımızdan gözlədiyimiz problemi daha da dərinləşdirmək deyil, problemin həllinə töhfə vermək və məsələnin tərəfsiz və elmi şəkildə araşdırılmasından yayınan erməni tərəfini daha səmimi olmağa cəsarətləndirməkdir", - XİN-in məlumatında bildirilir.
Qeyd edək ki, ABŞ Prezidenti Barak Obama 1915-ci ildə Osmanlı imperiyasında baş vermiş hadisələrlə bağlı ənənəvi müraciətində yenə də "soyqırım" sözünü işlətməyib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
