Azərbaycan, Bakı, 5 iyun /Trend/
NATO-nun 28 ölkəsinin müdafiə nazirləri kiber hücumlara qarşı çevik reaksiya qüvvələrinin yaradılması haqqında razılığa gəliblər. Trend-in RİA Novostiyə istinadən verdiyi məlumatda deyilir ki, bunu Alyansın baş katibi Anders Foq Rasmussen söyləyib:
"Biz NATO sisteminin müdafiəsi üçün çevik reaksiya qüvvələrinin yaradılması haqqında razılığa gəldik".
Onun sözlərinə görə, çevik reaksiya qüvvələri kiber hücumların qarşısını almaqla yanaşı, NATO-nun ayrı-ayrı üzvlərinin kompyuter infrastrukturunu da müdafiə edəcəklər.
Baş katib bildirib ki, 2012-ci il ərzində ümumilikdə 2500 kiber hücum olub.