Azərbaycan, Bakı, 11 noyabr /Trend, müxbirlər A.Bədəlova, T.Cəfərov/
İran Beynəlxalq Atom Enerjisi Agentliyinin (BAEA) ekspertlərinə ölkənin Əraq şəhərində reaktorun və "Geçin" uran mədənində monitorinq aparılmasına icazə verib. Trend-in məlumatınma görə, bu barədə İSNA agentliyi İranın Atom Enerjisi Təşkilatının rəhbəri Əli Əkbər Salehiyə istinadən xəbər verib.
Ekspertlərə icazə İran və BAEA-nın 6 paraqraflıq birgə bəyanatına əsasən verilib.
Məlumata görə, birgə bəyanat gələcək əməkdaşlıq və həlledilməmiş məsələlərin tənzimlənməsi üçün "yol xəritəsi" olacaq.