Azərbaycan, Bakı, 7 fevral /Trend, müxbir S.Əhmədova/
Avropa Şurasının (AŞ) Nazirlər Komitəsinin nazir müavinlərinin iclasında AŞ-nin mədəniyyətlərarası dialoqun dini ölçüsünə dair fikir mübadiləsinin Azərbaycanda keçirilməsinə qərar verilib.
Trend-in AŞ-nin saytına istinadən verdiyi məlumata görə, qərara əsasən, tədbir sentyabrın 1-2-də Azərbaycanın paytaxtı Bakı şəhərində baş tutacaq.
Nazirlər Komitəsi mədəniyyətlərarası dialoqun dini ölçüsünə dair fikir mübadiləsini 2008-ci ildən etibarən hər il təşkil edir.
AŞ-nin Nazirlər Komitəsinin bu kimi mübadilələr həyata keçirilməsində məqsədi AŞ-nın fundamental dəyərləri - insan hüquqlarına hörmət, demokratiya və qanunun aliliyinin qorunmasına dəstək, qarşılıqı hörmət, Avropa cəmiyyətində tolerantlıq və qarşılıqlı anlaşmanın möhkəmləndirilməsi və təşviqidir.