...

Türkiyənin müdafiə naziri Naxçıvana gəlib (FOTO)

Siyasət Materials 10 İyun 2019 16:19 (UTC +04:00)
Türkiyənin Milli Müdafiə nazirinin Naxçıvana səfəri başlayıb.
Türkiyənin müdafiə naziri Naxçıvana gəlib (FOTO)

Trend-i buradan izləyin

Bakı. Trend:

Türkiyənin Milli Müdafiə nazirinin Naxçıvana səfəri başlayıb.

Azərbaycan Müdafiə Nazirliyindən Trend-ə verilən məlumata görə, nazir Hulusi Akarın rəhbərlik etdiyi nümayəndə heyəti “Sarsılmaz qardaşlıq-2019” birgə döyüş atışlı taktiki təlimini izləmək məqsədilə Naxçıvan şəhərinə gəlib.

Qeyd edək ki, iyunun 7-də start götürən Naxçıvanda “Sarsılmaz qardaşlıq-2019” Azərbaycan-Türkiyə birgə döyüş atışlı taktiki təlimə 5000 nəfərədək şəxsi heyət, 200-dən artıq tank və digər zirehli texnika, 180-ə yaxın müxtəlif çaplı raket və artilleriya qurğusu, yaylım atəşli reaktiv sistemləri və minaatan, 21 ədəd təyyarə, helikopter, pilotsuz uçuş aparatı və silahlanmaya yeni daxil edilmiş müxtəlif növ müasir silah və texnika nümunələri cəlb olunub.

Təlimin məqsədi qərargahların müştərək döyüş əməliyyatları planlarının hazırlanması, şəxsi heyətin peşəkarlıq səviyyəsinin artırılması və birgə tapşırıqları icra etmək vərdişlərinin inkişaf etdirilməsi ilə Azərbaycan və Türkiyə hərbi bölmələrinin qarşılıqlı fəaliyyətinin koordinasiyasına nail olmaqdır.

“Sarsılmaz qardaşlıq-2019” Azərbaycan-Türkiyə birgə döyüş atışlı taktiki təlimi iyunun 11-dək davam edəcək.

Məqalədə:
Xəbər lenti

Xəbər lenti