Bakı. Trend:
Azərbaycan-Serbiya hökumətlərarası komissiyasının növbəti iclası Belqradda keçiriləcək.
Trend xəbər verir ki, bunu bu gün maliyyə naziri Sahil Babayev Serbiyanın Dövlətçilik Günü və Silahlı Qüvvələr Günü münasibətilə təşkil olunmuş tədbirdə deyib.
”İki ölkə arasında münasibətlər qarşılıqlı hörmət üzərində qurulub. Serbiya ötən ilin noyabrında Bakıda keçirilən COP29-un uğurla keçirilməsinə mühüm töhfə verib. Xüsusilə, biz Prezident Aleksandar Vuçiçin bu tədbirdə iştirakını yüksək qiymətləndiririk”, - Nazir bildirib.