Naxçıvan özəl universitetində keçirilən elmi şuranın iclasında universitetin rektoru, pedaqoji elmlər doktoru, professor İsmayıl Əliyev ali təhsil müəssisəsinin ötən ilki fəaliyyətində və qarşda duran vəzifələrdən danışıb.
1994-cu ildə "Naxçıvan" universitetinin bazasında fəaliyyətə başlayan bu ali təhsil müəssisəsinə 1994-cü ildə özəl universitet statusu verilib, çoxpilləli təhsil sisteminin bakalavr pilləsində mütəxəssis hazırlığına başlayıb.
Hazırda universitetdə 2 pedaqoji və mühəndis-iqtisad fakultələrində kadrlar hazırlanır. 6 kafedra, 4 şöbənin fəaliyyət göstərdiyi universitetin bütün strukturu Azərbaycan Respublikasının təhsil qanunvericiliyi əsasında müəyyən olunmuş qaydada təsdiq edilmiş əsaslanma ilə tənzimlənir. Həftəlik auditoriya 30 saat həcmində məyyənləşdirilib. Əyani təhsil saatlarının ümumi sayından 25-30% aşağı həddə isə qiyabi şöbənin tədris planı tərtib olunub. 2004-2005-ci tədris ilində universitetdə bütün ixtisas və kurslar üzrə mövcüd tədris planları vaxtında həyata keçirilib. Gündüz və qiyabi şöbələrdə test üsulu ilə həyata keçirilən imtahanlarda əyani şöbə üzrə müvəffəqiyyət faizi 89,5, keyfiyyət isə 57,6% olub. Qiyabi şöbədə isə müvafiq olaraq 90 və 47,4% qeydə alınıb. Gündüz şöbəsində 3, qiyabi şöbədə 7 nəfər olmaqla 10 nəfər tələbə üzürlü səbəbdən təlim məşğələlərində iştirak etdiyindən və akademik borclarını vaxtında ödəyə bilmədiyindən kursda saxlanılıb.
Ötən tədris ilində buraxılış kurs tələbələrində gündüz şöbə üzrə 26 nəfər, qiyabi şöbə üzrə 3 nəfər tələbə yekun dövlət attestasiya komissiyasının qərarı ilə fərqlənmə diplomuna layiq görülüb. Universitetdə ümumiyyətlə 728 tələbə - 427 gündüz şöbəsi, 295 isə qiyabi şöbə üzrə təhsil alır. İclasda ötən il universitetdə elmin inkişafına, elmi-tədqiqat işlərinin keyfiyyətinə xüsusi diqqət yetirildiyi bildirilib. Qeyd olunub ki, ötən il universitet əməkdaşlarından 2 nəfər professor, 2 nəfər dosent elmi adı alıb, ali attestasiya komissiyasının qərarı ilə 2 nəfər elmlər doktoru, 2 nəfər isə elmlər namizədi alimlik dərəcəsinə layiq görülüb, əməkdaşların elmi-tədqiqat əsərləri 5 monoqrafiya, 2 dərs vəsaiti halında çap olunub. Hazırda ali təhsil ocağının 10 nəfər müəllimi Naxçıvan Dövlət Universiteti və respublikanın digər ali təhsil ocaqlarının dissertantlarıdır. İclasda hesabat dövründə bir sıra nöqsanlara yol verildiyi qeyd olunub. Elmi şuranın iclasında NMR Ali məclisi aparatının şöbə müdiri Nuraləm İbrahimov çıxış edib, qarşıda duran işlərdən danışıb.
