Gəncə şəhər Mədəniyyət və Turizm idarəsinin rəisi Mina Məlikovanın verdiyi məlumata görə, şəhərdə attraksionların texniki sazlığını yoxlamaq üçün idarədə yeni komisiyya yaradılıb.
Komisiyanın tərkibində texniki işçilər də var. Onlar tez-tez attraksionların istifadəyə yararlı olub-olmaması ilə maraqlanacaq və yarasızlar haqqında idarəyə məlumat verildikdən sonra onların fəaliyyəti dayandırılacaq. Məlikova bu addımın əhalinin təhlükəsizliyinin təminatı üçün atıldığını bildirdi. Rəis onu da əlavə etdi ki, bu yaxınlarda Gəncədə yeni attraksionlar istifadəyə veriləcək. Köhnəlmişlər isə istifadədən çıxarılacaq.