Cari ilin doqquz ayı ərzində Naxçıvan Muxtar Respublikasında Ümumi Daxili Məhsulun həcmi 20,9% artaraq 278,8 mln manat olub. ÜDM tərkibində qeyri-dövlət sektorunun payı isə 85,2% təşkil edib. Bu barədə Naxçıvan MR Dövlət Statistika Komitəsinin mətbuat üçün yaydığı informasiyada qeyd olunur. Məlumata əsasən, sənaye məhsulunun ümümi həcmində də artım müşahidə olunub-61,5 mln manat. Ötən ilin müvafiq dövründə rəqəmin 33,2 mln manat həcmində olduğu bildirilir.
Naxçıvan MR-də adambaşına düşən pul gəlirləri də artıb. Belə ki, bu rəqəm 656,6 manat təşkil edib. Ötən ilin yanvar-sentyabr aylarında adambaşına düşən gəlir 538,8 manat təşkil edib. Muxtar Respublikada xarici ticarət dövriyyəsinin həcmi isə 60,2 mln ABŞ dolları olub. Cari ilin ötən doqquz ayı ərzində Muxtar Respublika sakinləri tərəfindən mobil telefonlarla danışığa 6 mln 539 min ABŞ dolları xərclənilib.
Naxçıvan MR Dövlət Statistika Komitəsinin məlumatında Muxtar Respublikanın büdcə gəlirlərinin 17,3 mln manata çatdığı, ötən ilin müvafiq doqquz ayı ərzində isə 14,9 mln manat olduğu da qeyd olunub.
