Gəncənin Alternativ Telekanalı iki gün müddətində fəaliyyətində fasilələr verəcək. Bu barədə məlumatı Trend-in Qərb Bürosuna kanalın direktoru Elnur Abbasov verib.
Onun sözlərinə görə, fasiləyə səbəb telekanalın ötürücüsünün Xanlar rayonunda yerləşən Teleradio və Peyk Rabitəsi istehsalat birliyinin teleqülləsinə köçürülməsi ilə bağlıdır. Müsahib əlavə etdi ki, ötürücünün TPRİB-in qülləsinə yerini dəyişməkdə məqsəd yayımın keyfiyyətini və əhatə dairəsinin artırılmasını təmin etməkdən ibarətdir.
"Bundan sonra artıq bizim telekanalın verilişlərini Qərb zonasında Gürcüstanın sərhədinə kimi, aran zonasında Ağdaşa qədər, Şəki və Qəbələ rayonlarında izləyəcəklər. Buna telkanalın 1 kilovatt gücündə olan ötürücüsü tam imkan verəcək" - Abbasov belə deyib.
Alternativ telekanalın direktorunun bildirdiyinə görə, ötürücü TPRİB-nin qülləsində 130 metr hündürlükdə quraşdırılacaq.