Ağdam rayonu Quzanlı kənd orta məktəbində 13 ildən bəri müvvəqəti məskunlaşmış Ağdam rayonundan 35 məcburi köçkün ailəsi həmin rayon ərazisində yeni salınmış Baharlı qəsəbəsinə köçürülüb. Trend in bölgə müxbiri xəbər verir ki, yeni salınmış qəsəbəyə köçürülən məcburi köçkünlərin hər birinə qaz plitəsi də verilib.
Qeyd edək ki, dövlət proqramına əsasən, yeni salınmış qəsəbələrə ilk olaraq çadır və vaqonlarda yaşayan məcburi köçkünlər köçürülməlidir. Təhsil müəssisələrində, idarələrdə müvvəqəti yaşayan məcburi köçkünlərin 2007-2008-ci illərdə köçürülməsi nəzərdə tutulur. Hazırda məhz çadırlarda yaşayan köçkünlərin yeni qəsəbələrə köçürülməsi davam edir.
