Bu il noyabr ayının 19-da öz kürəkənini qətlə yetirmiş Bərdə rayon Kələntərli kənd sakini Murad Həsənov 18 gündən sonra könüllü şəkildə polisə təslim olub. Bu barədə Trend in bölgə müxbiri xəbər verib.
Murad Həsənov polisə verdiyi ifadəsində bildirib ki, kürəkəni Etibar Xəlilov hadisə baş verən gün 1 ədəd ov tüfəngi və 1 ədəd bıçaqla onun evinə gəlib. Kürəkən Həsənovlar ailəsinə hədə-qorxu gəlib, Murad Həsənovun qardaşı Seymur Həsənovu öldürmək istəyib. Qardaşının həyatını xilas etməyə çalışan Murad arxadan kürəkəninin başına balta ilə zərbə endirib. Onu öldürdükdən sonra cəsədi öz həyətlərində basdırıb.
Faktla bağlı Bərdə rayon prokurorluğunda Azərbaycan CM-nin 120.1 maddəsi ilə cinayət işi qaldırılıb.
