Azərbaycan, Bakı /müxbir Trend K. Zərbalıyeva/Müdafiə Nazirliyinin bir neçə idarəsinin rəisləri istefaya göndərilib. Nazirliyin İctimaiyyətlə Əlaqələr İdarəsinin rəisi Ramiz Məlikov, İşlər İdarəsinin rəisi Tofiq Tağıyev, Maliyyə İdarəsinin rəisi Nizami Məmmədov təqaüd yaşına çatdıqlarına görə tutduqları vəzifədən azad olunublar. İdarənin əməkdaşı İlqar Verdiyev cümə günü Trend ə bildirib ki, "Hərbi Xidmət keçmə haqqında" Əsasnaməyə uyğun olaraq hər üç idarənin rəisləri nazirin əmri ilə istefaya göndərilib.
Hələlik həmin idarələrə yeni rəislər təyin olunmayıb.