Azərbaycan, Bakı, 21 yanvar / Trend , müxbir C.Qurbanov/ Kişi şahmatçılar arasında Azərbaycan çempionatı start götürüb. Respublika Şahmat Klubunda 10 iti zəka sahibinin mübarizə apardığı yarışın ilk turunda sensasiya qeydə alınıb. Daha çox Fransada keçirilən turnirlərdə qüvvəsini sınayan beynəlxalq qrossmeyster Namiq Quliyev Rəhim Qasımova təslim olub. Digər partiyalarda Rauf Məmmədov Rəsul İbrahimovla, Rəşad Babayev Loğman Quliyevlə heç-heçə oynayıb. Fərid Abbasov Vasif Durarbəyli, Nicat Məmmədov Fariz Əhmədov üzərində qələbə qazanıb.
Mükafat fondu 13000 manat olan yarışda ilk altı yeri tutanlar, müvafiq olaraq, 5000, 3000, 2000, 1500, 1000 və 500 manata sahib çıxacaqlar.