Azərbaycan, Bakı, 13 mart / Trend , müxbir K.Zərbalıyeva /
Ötən il Azərbaycanda aparılan notariat hərəkətlərin sayı 1,6 dəfə artıb. Trend -un məlumatına görə, bu barədə hökumətin ötən ilin yekunları ilə bağlı Milli Məclisə təqdim etdiyi hesabatda qeyd olunub.
Hesabatda göstərilib ki, 2003-cü ildə respublikada 1 milyon 405 mindən artıq notariat əməliyyatı aparılmışdısa, ötən il bu göstərici 2 347 440 təşkil edib. Notariat əməliyyatları nəticəsində ödənilmiş dövlət rüsumunun məbləği də xeyli artıb. Belə ki, 2003-cü ildə dövlət büdcəsinə 5 milyon 920 min manat vəsait ödənildiyi halda, ötən il bu məbləğ 63,5 faiz artaraq 9 678 359 manat olub.
Ötən il Məhkəmə Ekspertiza Mərkəzinə daxil olan işlər də 50 faiz artıb.
2008-ci ildə mərkəzə daxil olan 15 233 işin 97 faizi icra olunub.
Həmçinin vətəndaşlıq vəziyyəti aktlarının dövlət qeydiyyatı üzrə əməliyyatlar da 2003-cü illə müqayisədə 26,3 faiz artaraq 204 745 təşkil edib.
Bu əməliyyatlar üzrə ödənilmiş dövlət rüsumu da 46 faiz artaraq 376 244 manata çatıb.
Məqalə müəllifi ilə əlaqə ünvanı:[email protected]
