Azərbaycan, Bakı, 13 oktyabr /Trend, müxbir M.Əliyev/
Prezident yanında Elmin İnkişafı Fondu bu yaxınlarda elan olunacağı gözlənilən gənc alimlərin elmi layihələrinin müsabiqəsindən əvvəl məsləhətləşmələr aparmaq üçün gənc alimləri Fonda dəvət edib.
Trend-in məlumatına görə, bunu Fondun icraçı direktoru Elçin Babayev cümə axşamı Azərbaycanın müstəqilliyinin bərpa edilməsinin 20-ci ildönümü ilə bağlı ümumrespublika məqalə müsabiqəsi qaliblərinin mükafatlandırılması mərasimində çıxışı zamanı bildirib.
Onun sözlərinə görə, görüş oktyabrın 21-i saat 11:00-da Elmin İnkişafı Fondunda keçiriləcək.
"Təxminən 20-25 nəfər gənc alim Fondda görüşərək müsabiqənin keçirilməsi ilə bağlı fikirlərini paylaşa bilərlər", - Babayev deyib.
Bu ilin noyabrında gənclərin elmi layihələri üzrə müsabiqə elan ediləcək. Müsabiqənin qaliblərinin 2012-ci il fevralın 2-də - Gənclər Günündə elan edilməsi nəzərdə tutulur.
Elmin İnkişafı Fondu gənc alimləri müzakirələrə dəvət edib
Elmin İnkişafı Fondu bu yaxınlarda elan olunacağı gözlənilən gənc alimlərin elmi layihələrinin müsabiqəsindən əvvəl məsləhətləşmələr aparmaq üçün gənc alimləri Fonda dəvət edib.
