...

Azərbaycanda hemofiliyalı xəstələr online yolla həkimlərdən məsləhət ala biləcəklər

Cəmiyyət Materials 17 Aprel 2018 14:45 (UTC +04:00)
Azərbaycanda bu il ərzində hemofiliyalı xəstələr üçün “Smart İnformasiya Kompüter Texnologiyaları" Hemofiliya Mərkəzi yaradılacaq.
Azərbaycanda hemofiliyalı xəstələr online yolla həkimlərdən məsləhət ala biləcəklər

Bakı. İlhamə İsabalayeva - Trend:

Azərbaycanda bu il ərzində hemofiliyalı xəstələr üçün “Smart İnformasiya Kompüter Texnologiyaları" Hemofiliya Mərkəzi yaradılacaq.

Bunu Trend-ə Hemofiliyalı Xəstələrin Respublika Assosiasiyasının rəhbəri Gülnarə Hüseynova deyib.

Onun sözlərinə görə, hemofiliyalı xəstələr üçün il ərzində 30-dan çox seminar, treninq, konfrans, həkimlərlə tibbi konsultasiyalar və sair keçirilsə də, sadalanan tədbirlər çərçivəsində bütün pasientləri məlumatlandırmaq mümkün olmur. Ölkədə 1000 nəfərdən çox xəstə və onların ailə üzvlərinin maariflənməsinə və mütəxəssislərin məsləhətlərinə ehtiyac var.

G.Hüseynova qeyd edib ki, təşkilatın məlumat bazasında ağır formalı 517 hemofiliyalı və digər qan xəstəliyindən əziyyət çəkən xəstənin adı qeyd edilib:

"Onlar informasiya kompüter texnologiyaları vasitəsi ilə mütəmadi olaraq yeni xəbərlər haqqında məlumat almalıdırlar. Azərbaycanda yaşayan hemofiliyalı xəstələr üçün birbaşa yayım vasitəsi ilə telekonfranslar təşkil edilməli və onlar bu yolla həkimlərdən məsləhətlər almalıdırlar. Buna görə də Assosiasiyanın ofisində “Smart İnformasiya Kompüter Texnologiyaları" Hemofiliya Mərkəzinin yaradılması zəruridir".

Məqalədə:
Xəbər lenti

Xəbər lenti