Bakı. Asif Mehman – Trend:
Azərbaycandan koronavirusa yoluxanların 10 faizi xaricdən gəlib.
Trend-in məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev Nazirlər Kabineti yanında Operativ Qərargahda keçirilən brifinqdə deyib.
Onun sözlərinə görə, statistikaya əsasən yoluxmaların 10 faizini xaricdən ölkəyə gələn vətəndaşlarımız təşkil edir. Azərbaycana gətirilən bütün şəxslər 14 günlük karantinə yerləşdirilir. Evə buraxıldıqdan sonra da həmin şəxslərin evdə karantin qaydalarına əməl etməsi tövsiyə olunur:
"Rusiyadan gələn vətəndaşlarımız da bu prosesdən keçirilir. Test nəticəsi neqativ çıxan vətəndaşlar evə buraxılır".