...

Şəmkirdə ərzaq mağazasında istifadə müddəti bitmiş məhsullar aşkar edilib

Cəmiyyət 17 Yanvar 2022 11:50
Şəmkirdə ərzaq mağazasında istifadə müddəti bitmiş məhsullar aşkar edilib

Trend-i buradan izləyin

Bakı. Humay Ağacanova - Trend:

Şəmkirdə ərzaq mağazasında istifadə müddəti bitən məhsullar aşkarlanıb.

Azərbaycan Respublikasının Qida Təhlükəsizliyi Agentliyindən (AQTA) Trend-ə verilən məlumata görə, Agentlik əməkdaşları Şəmkir şəhəri, 20 Yanvar küçəsində fəaliyyət göstərən, fiziki şəxs Bayraməliyev Rəşid Musa oğluna məxsus ərzaq satışı mağazasında planlı yoxlama keçirib.

Yoxlama zamanı ərzaq mağazasında qida təhlükəsizliyi sahəsində normativ hüquqi sənədlərin tələblərinin kobud şəkildə pozulduğu, həmçinin istifadə müddəti bitmiş müxtəlif əmtəə nişanlı şirniyyatların və meyvə şirələrinin qanunsuz satışının həyata keçirildiyi aşkar edilib.

Aşkar olunmuş faktla bağlı istehlaka yararsız məhsullar satış şəbəkəsindən çıxarılaraq məhv edilib, sahibkar barəsində inzibati qaydada tədbir görülüb.

Məqalədə:
Xəbər lenti

Xəbər lenti