Bakı. Trend:
Azərbaycanda təhsilin arzuolunan yerdə olması üçün vaxt lazımdır.
Trend xəbər verir ki, bu sözləri Elm və Təhsil naziri Emin Əmrullayev bu gün təşkil edilən brifinqdə jurnalistlərin suallarını cavablandırarkən deyib.
Nazir bildirib ki, hazırda təhsil sistemi inkişaf etməkdədir, təhsil sahəsində inkişaf müsbət yöndə davam edir.
"Azərbaycan təhsilinin arzuolunan yerdə olması üçün vaxt lazımdır. Ona görə ki, bu insanların həyatıdır və kimlərinsə istəyinə görə fərqli istiqamətlərə yönləndirilə bilməz. İnanıram ki, inkişafa doğru atdığımız addımlar bizi məqsədimizə çatdıracaq" - deyə nazir qeyd edib.