Bakı. Trend:
Kəlbəcərdə bu gün yağan güclü qar yerli sakinlərin sevincinə səbəb olub.
Trend-in məlumatına görə, yolka ətrafında sakinlər və uşaqlar qartopu oynayıb əylənirlər.
Qeyd edək ki, bu gün Azərbaycanın bir sıra rayonlarında qar yağıb.
Yağan qarın hündürlüyü Gədəbəydə 21, Əlibəydə (Zaqatala) 14, Daşkəsəndə 11, Kəlbəcərdə 8, Qrızda 7, Şahdağda 6, Göygöl, Sarıbaş (Qax) və Şərurda 5, Xaltan və Xınalıqda 4, Qusar və Qubada 3, Şabranda 2, Sədərək, Xaçmaz, Şahbuz, Şəki (Kişçay), Laçın və Qubadlıda 1 sm -dir.