Azərbaycan, Bakı, 17 avqust / "TrendLife" , müxbir Elnarə Mirzəliyeva/ "Şərq-Qərb" Bakı beynəlxalq kinofestivalının açılışına bir neçə gün qalıb. Festivalın direktoru Abbas Əliyevin "TrendLife"a verdiyi məlumata görə, festival proqamı hazırdır. Festivalın hətta harada keçiriləcəyi də məlumdur. Festivalın rəsmi açılışı Yaşıl Teatrın səhnəsində sentyabr ayının 5-də baş tutacaq. Əliyevin sözlərinə görə, Heydər Əliyev adına Respublika Sarayında gedən təmir işləri aparıldığından festivalın açılış mərasiminin "Azərbaycan" kinoteatrında keçirilməsi nəzərdə tutulmuşdu. Onun dediklərinə görə, qonaqların çox olacağı gözlənilir, zal isə kiçikdir. Məhz buna görə də Yaşıl Teatr festivalın açılış mərasimi üçün seçilib. " Əgər hava yaxşı olsa, yəqin ki, tədbir də açıq səma altında keçiriləcək" - deyə festival direktoru bildirdi. Sentyabrın 5-dən 10-na kimi festivalda müxtəlif ölkələrdən 17 film nümayiş etdiriləcək. Bu sırada ABŞ, Fransa, Asiya ölkələrinin istehsal etdikləri filmləri misal göstərmək olar.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
