Azərbaycan, Bakı, 7 sentyabr /Trend, müxbir M.Əliyev/
Azərbaycan futbolunda böyük irəliləyişlər var. Trend-in məlumatına görə, bunu cümə günü DÇ-2014-ün seçmə mərhələsi çərçivəsində Bakıda Azərbaycanla keçirilən oyundan sonra İsrail millisinin baş məşqçisi Eli Qutman bildirib.
"Biz Bakıya qələbə üçün gəlmişdik, lakin bu baş tutmadı", - baş məşqçi deyib.
Onun sözlərinə görə, Azərbaycanın yığma komandası yaxşı təsir bağışlayır və gələcək oyunlarda da müvəffəqiyyət əldə edə bilər.
Qutman bugünki oyunda Azərbaycan millisinin heyətində sonradan oyuna qoşulan Əfran İsmayılovu xüsusi vurğulayıb.