Azərbaycan, Bakı, 1 fevral /Trend/
Futzal üzrə Avropa çempionatının final mərhələsində Azərbaycan milli komandası bu gün ilk oyununu keçirib.
Trend-in məlumatına görə, millimiz Antverpen şəhərindəki "Lotto Arena" idman kompleksində Sloveniya yığması ilə qarşılaşıb.
Gərgin keçən matçda komandamız son saniyələrdə vurduğu qolla qələbə qazanıb - 7:6. Sloveniya yığmasının qapısına qolları Amadeu, Rafael (2), Vitali Borisov, Auqusto, Felipe və Edu vurub.
Qeyd edək ki, Azərbaycan futzalçıları fevralın 2-də italiyalı rəqibləri ilə qarşılaşacaqlar.