Bakı. Trend:
İdmanda rəqabət inkişaf və gələcək nailiyyətlər üçün çox vacibdir.
Bunu Trend-ə Bakı-2017 IV İslam Həmrəyliyi Oyunlarında cüdo üzrə 73 kq çəki dərəcəsində gümüş medal qazanmış Rüstəm Orucov deyib.
O bildirib ki, qızıl mükafatı qazanmağı çox istəyirdim, amma alınmadı:
"İslamiadada gümüş medal da layiqli mükafatdır. Finalda həmyerlimə uduzduğum üçün heyfslənmirəm. Milli komandada liderliyi geri almaq üçün çalışacağam”.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
