...

Beynəlxalq Velosipedçilər İttifaqının prezidenti Azərbaycana təşəkkür məktubu göndərib (FOTO)

İdman Materials 22 İyun 2018 19:27 (UTC +04:00)
David Lappartien mötəbər yarışın uğurla başa çatması ilə əlaqədar Sahib Ələkbərova təşəkkür məktubu göndərib.
Beynəlxalq Velosipedçilər İttifaqının prezidenti Azərbaycana təşəkkür məktubu göndərib (FOTO)

Bakı. Trend:

İyunun 5-9-da Bakıda keçirilən BMX üzrə dünya çempionatı zamanı paytaxtımızda olmuş Beynəlxalq Velosipedçilər İttifaqının (UCI) prezidenti David Lappartien mötəbər yarışın uğurla başa çatması ilə əlaqədar Azərbaycan Velosiped İdmanı Federasiyasının 1-ci vitse-prezidenti, Avropa Velosipedçilər Birliyinin (UEC) Rəhbər Komitəsinin üzvü, dünya çempionatı ilə əlaqədar yaradılmış İşçi Qrupunun rəhbəri Sahib Ələkbərova təşəkkür məktubu göndərib.

Azərbaycan Velosiped İdmanı Federasiyasından Trend-ə verilən məlumata görə, Bakıya səfərindən məmnunluğunu ifadə edən UCI prezidenti dünya çempionatının yüksək səviyyədə təşkil olunduğunu xüsusi olaraq vurğulayıb. O qeyd edib ki, bu cür böyük tədbiri təşkil etmək olduqca böyük məsuliyyət və əmək tələb edir. Təşkilat Komətisinin gördüyü işlər Bakıya gələn qonaqların yaddaşlarında xoş xatirələrlə qalacaq:

“Bütün bunları nəzərə alaraq Sizə BMX velosipedinin inkişafına verdiyiniz böyük dəstəyə görə UCI ailəsi adından dərin təşəkkürümü bildirirəm”.

Qeyd edək ki, 5 gün davam edən dünya çempionatında planetin 43 ölkəsinin 1520 idmançısı iştirak edib.

Məqalədə:
Xəbər lenti

Xəbər lenti