Bakı. Trend:
İngiltərənin "Mançester Yunayted" klubu baş məşqçi Joze Mourinyo ilə yollarını ayırıb.
Trend-in məlumatına görə, portuqaliyalı mütəxəssislə müqaviləyə vaxtından əvvəl xitam verilib.
J.Mourinyonun rəhbərliyi ilə "Mançester Yunayted" cari mövsümdə Premyer Liqada 17 turdan sonra 6-cı pillədə qərarlaşıb. Son turda isə səfərdə "Liverpul"a 1:3 hesabı ilə məğlub olub.
"Qırmızı şeytanlar"ın yeni baş məşqçisinin adı yaxın günlərdə açıqlanacaq.