Bakı. Trend:
İspaniyanın "Barselona" futbol klubu Almaniyanın "Bavariya" komandasına məğlub olaraq son 20 ildə ilk dəfə Çempionlar Liqasının pley-off mərhələsinə çıxa bilməyib.
Trend-in məlumatına görə, “Barselona” Çempionlar Liqasının altıncı turu çərçivəsində səfərdə “Bavariya”ya böyük hesabla məğlub olub.
Görüş Münhendə baş tutub və 3:0 hesabı ilə başa çatıb. Qolları Tomas Müller (34-cü dəqiqə), Leroy Sane (43) və Camal Musiala (62) vurublar.
Beləliklə, “Barselona” son 20 ildə ilk dəfə Çempionlar Liqasının pley-off mərhələsindən kənarda qalıb. Komanda sonuncu dəfə 2000/2001 mövsümündə qrupdan çıxa bilməyib.