...

TRACECA çərçivəsində Azərbaycan ərazisindən yük daşımaları artıb

İqtisadiyyat Materials 20 Mart 2020 12:10 (UTC +04:00)
2020-ci ilin yanvar ayında Avropa-Qafqaz-Asiya (TRACECA) nəqliyyat dəhlizinin Azərbaycan hissəsində yük daşımalarının həcmi 4,295 milyon ton təşkil edib, yük dövriyyəsi isə öz növbəsində 9,16 milyon ton-kilometrə çatıb.
TRACECA çərçivəsində Azərbaycan ərazisindən yük daşımaları artıb

Bakı. Nərgiz İsmayılova - Trend:

2020-ci ilin yanvar ayında Avropa-Qafqaz-Asiya (TRACECA) nəqliyyat dəhlizinin Azərbaycan hissəsində yük daşımalarının həcmi 4,295 milyon ton təşkil edib, yük dövriyyəsi isə öz növbəsində 9,16 milyon ton-kilometrə çatıb.

Trend-in məlmatına görə, bu barədə Dövlət Statistika Komitəsinin hesabatında deyilir.

Dövlət Statistika Komitəsi bildirir ki, ötən ilin müvafiq dövrü ilə müqayisədə yük daşımalarının həcmi 9,5 faiz artıb.

Yük daşımalarının ümumi həcminin çox hissəsi (65,4 faiz) 2,806 milyon ton avtomobil nəqliyyatının payına düşüb, daşımaların həcminin artımı isə 4,3 faiz təşkil edib.

Dəmir yolu nəqliyyatının payına bütün daşımaların 25,4 faizi - 1,092 milyon ton düşüb. Yanvar-fevral ayları ərzində keçənilki göstərici ilə müqayisədə artım 12,4 faiz təşkil edib.

Dəniz daşımalarının payına düşən yüklərin ümumi həcmi 9,2 faiz - 0,396 milyon ton (təxminən 7,04 faiz azalma) təşkil edib.

TRACECA vasitəsilə daşınan yüklərin təxminən 17,8 faizi (0,764 milyon ton) tranzitə aiddir.

Məqalədə:
Xəbər lenti

Xəbər lenti