...

London taksiləri üçün Bakıda yeni elektrik doldurma stansiyalarının quraşdırılması planlaşdırılır

İqtisadiyyat Materials 2 Sentyabr 2020 10:49 (UTC +04:00)
London taksiləri üçün Bakıda yeni elektrik doldurma stansiyalarının quraşdırılması planlaşdırılır

Trend-i buradan izləyin

Bakı. Ceyhun Ələkbərov - Trend:

Bakıya gətirilən yeni London taksiləri üçün də elektrik doldurma stansiyalarının quraşdırılması planlaşdırılır.

Bu barədə Trend-in sorğusuna cavab olaraq Nəqliyyat, Rabitə və Yüksək Texnologiyalar Nazirliyindən bildiriblər.

Qeyd olunub ki, stansiyaların quraşdırılacağı yer “Bakı Taksi Xidməti” MMC-nin parkı və Heydər Əliyev Beynəlxalq Hava Limanı ərazisidir:

"Hal-hazırda 50 ədəd yeni “LEVC TX” modelli taksi istifadəyə verilib. Avtomobillər Bakı şəhərinin müxtəlif yerlərində və “Azpetrol” yanacaqdoldurma məntəqələrində mövcud olan elektrik doldurma stansiyalarında, eyni zamanda, ev şəraitində də elektriklə təmin edilə bilərlər. Bundan əlavə, Nəqliyyat, Rabitə və Yüksək Texnologiyalar Nazirliyi “Bakı Taksi Xidməti” MMC-nin parkında və Heydər Əliyev adına Beynəlxalq Hava Limanı ərazisində də elektrik stansiyalarının quraşdırılması planlaşdırılır".

Xatırladaq ki, ölkəyə gətirilən 100 ədəd yeni London taksisi smart konfiqurasiyalıdır və 130 kilometrə qədər elektriklə çalışır, sonra rejimin dəyişməsi mümkündür. Bu isə ətraf mühitə və ekologiyaya ziyanın sıfıra endirilməsi deməkdir.

Məqalədə:
Xəbər lenti

Xəbər lenti